بداية أنا آسف لطرح هذا الموضوع فى هذا القسم ولكن فى قسم الفيديو وجدت مشاركات ليس عليها ردود من فترة
بصراحة أنا محرج وأنا بسأل السؤال ده
يا ترى ممكن يا أساتذتى يا عمالقة الصيانة تساعدونى فى صيانة فيديو كاسيت عادى ناشيونال قاطع باور
أنا عارف إن الفيديو العادى زمنه راح بس المشكلة إنى محتفظ بشرائط فيديو بها ذكريات عائلية وأريد أشغل الفيديو عشان أحولها ل سى دى
يا ريت أسمع منكم إنكم سوف تساعدونى انا عندى شك فى دائرة الباور بس انا مش متعمق اوى فى الصيانة بس ممكن أتبع الإرشادات وأنفذها وأرفع صور ويتوضحلى عليها أعمل إيه
والله الجهاز ده مركون من حوالى سنتين وهوه ما بيشتغلش ولما حضراتكم ساعدتونى فى صيانة أعطال كثيرة بتلفزيونى التوشيبا وفهمت حاجات معقولة فى الصيانة إشتاقت نفسى لصيانة الفيديو للإحتفاظ بالذكريات التى يستحيل تعويضها فهى لجدى وجدتى رحمهما الله
يا ريت تساعدونى لإن محلات الصيانة إستهزءوا بالموضوع وقالولى هوه فيه حد بيستخدم الحاجات دى دلوقتى ورفضوا صيانته
فهل تساعدونى أنا عشمان فيكوا أوى وشكرا

كما قال استاذنا الكبير -=مصطفى بحري
اذكر موديل الجهاز وارقام الايسيهات وترانزستورات الباور وستجد الحل باذن الله
اجهزة العصر الذهبي الجميل مااجملها . ولوعاد هذا الزمن الجميل لما عدنا نحن.
-----------------------------
من لايشكر الناس لايشكر الله

إخوتى الكرام وأساتذتى المهندس الجبل الأخضر ومصطفى بحرى والله أنا فى قمة سعادتى إن فيه ناس طيبة وكريمة زي حضراتكم وده عشمى دائما فى أساتذتى عمالقة الصيانة بهذا المنتدى المحترم ألف ألف شكر على إستجابتكم وإهتمامكم بالرد على مشاركتى وعرض مساعدتى وربنا يجعل ده فى ميزان حسناتكم ويبارك لكم فى صحتكم وعافيتكم ويوسع فى أرزاقكم هوه الجهاز ناشيونال موديل NV-G130EM وإن شاء الله لما ارجع من عملى سوف أرفع صورته من الخارج وصور البوردات من الداخل و أرقام الأيسيهات وترانزيستور الباور وغيرها ومخططه أيضا وإن شاء الله تساعدونى فى إصلاحه كما وعدتونى

الحمد لله رب العالمين
أحمدك وأشكر فضلك يارب إنى لقيت إللى حيساعدنى فى إصلاح الفيديو
أخى الكريم الفاضل المهندس مصطفى صدقنى لسانى عاجز عن شكرك أنا قمة السعادة لهذا الشعور الطيب الراقى من حضرتك ومن سرعة الإستجابة والتفاعل
أنا جبت لحضرتك صورة الفيديو من الخارج وصور أخرى للوحة الباور من الأمام(كلها وعلى جزئين لتوضيحها أكثر) ومن الخلف (على جزئين لتوضيحها أكثر) وأيضا مخططة وقد وجدته على النت معرفش ممكن يكون ده إللى مع حضرتك وللا لا عموما ينفع إن شاء الله
السوكت الموجود بلوحة الباور به 10 مخارج (أو سنون) وهذا موضح فى صورة من الصور المرفقة
وقمت بقياس الفولتات عليه وكنت عامل مفتاح الآفو على الجهد المستمر 20v فكانت كالآتى(وكان القياس بالطرف الاحمر والأسود كان على حديدة ملحومة من جنب اللوحة وبتتربط بمسمار فى غطاء علبة الباور وأعتقد أنها الارضى)
الرجل1 كانت تتذبذب من 0 إلى 0.01 و 0.02 و 0.03
الرجل2 0.42 الرجل 3 0.01 الرجل4 تتذبذب بين 0.01 و 0.02
الرجل5 0.02 الرجل6 0.02 الرجل7 0.11 الرجل8 1.52
الرجل 9 0.19 الرجل 10 0.29

باقى الصور








الكتالوج والمخطط
http://diagramas.diagramasde.com/otros/NV-G130.pdf
أخى الكريم فى إنتظار ما ترشدنى لفعلة لصيانة الجهاز
مع جزيل الشكر وربنا يكرمك
متابع مع حضرتك