كما ذكر حبيبنا الغالي مصطفى وزد على ذلك انو اذا لم تجد ال300 فولت على مكثف الالكو افحص قنطرة التوحيد بجواره والتي تشبه شكل الايسي وقم بقياس جميع الجهود قبل الشوبر ومابعد الشوبر وركز عاى الزنرات والمقاومات الصغيره والمقاومات الفيوزيه وافحص ترانزستور الباور جيدا خارج البورد0
==========================
من لايشكر الناس لايشكر الله

أخى الكريم الغالى المهندس مصطفى الله يبارك لك وشكرا على متابعتك معى
ما قمت به وفقا لما نصحتنى بعمله الآتى:
1- قياس الفولت المستمر بين طرفى المكثف الكبير (82 ميكرو على 400 فولت) فوجدته حوالى 312 فولت
2- على وضع الجرس قمت بوضع المجسين الأسود والحمر طرفى الملف الكبير للشوبر فأعطى جرس وأيضا أعطى جرس لما وضعتهما على طرفى الملف الصغير للشوبر وطبعا هذه الأطراف من ناحية المكثف الكبير
3- قمت بقياس الفولت الداخل للشوبر من ناحية المكثف الكبير طبعا (وذلك بوضع المجس الأسود على سالب المكثف الكبير والمجس الأحمر على كل طرف من طرفى أحد ملفى محول الشوبر من نفس الناحية أعطى نفس قراءة المكثف الكبير حوالى 312 فولت
4- لم أعرف كيف أقيس الجهد الخارج من الشوبر على أرجله الثمانية (يعنى أحط الأسود على إيه وهل الاحمر هوه إللى على كل رجل وللا إيه؟)
5- قمت بإختبار كل الخمس دايودات إللى بين الشوبر والأربع مكثفات الزرقاء بوضع الجرس( دايود كبير و 4 دايودات صغيرة منهم واحد يشبه الزينر) وكلهم بيدوا قراءة فى إتجاه واحد فقط والإتجاه الآخر لا يعطوا أى قراءة
6-قمت بفحص الزينر إللى بين الشوبر والأربع مكثفات الزرقاء زى ما حضرتك نصحتنى داخل الدائرة والكهرباء واصلة ليها والآفو على جهد مستمر 20 ( المجس الأحمر على سالب الزينر والأسود على موجب الزينر ) الزينر أعطى فرق جهد حوالى 0.36 فولت وخارج الدائرة على وضع الجرس (المجس الاحمر على موجب الزينر والاسود على سالب الزينر) الزينر أعطى قراءة فى هذا الإتجاه فقط
7- بالنسبة للمكثفات الأربعة الزرقاء قمت بوضع زر الآفو على 20 فولت مستمر والمجس الأسود على موجب كل مكثف والأحمر على سالبه فكانت النتيجة كالآتى
1- المكثفين الكبار 680 ميكرو على 20 فولت أعطى كل منهما فرق جهد حوالى 0.37 فولت
2- المكثف الثالث 330 ميكر على 10 فولت لم يعطى فولت
3- المكثف الرابع 330 ميكر على 6.3 فولت أعطى فرق جهد حوالى 0.14 فولت
هذا كل ما توصلت إليه أخى الكريم الفاضل وفى لإنتظار رأى حضرتك وربنا يبارك لك ويرزقك من حيث لا تحتسب معلش أنا عارف إنى تاعبك معايا جزاك الله كل خير متابع مع حضرتك
أخى الكريم الفاضل الجبل الأخضر أشكر حضرتك لتشجيعك لى ويا ريت حضرتك تفضل متابع معايا وجزاك الله خيرا

أخى الكريم الغالى الباشمهندس مصطفى
السلام عليكم ورحمة الله وبركاته
كم أنا سعيد لمتابعتك معى خطوة بخطوة ربنا يبارك لك ويوسع عليك
أخى الكريم قمت بتغيير المكثفين إللى حضرتك قولتلى عليهم وهما بجانب str المكثف الأول: وقيمته 1ميكرو على 200 فولت ووضعت بدلا منه 1 ميكرو على 250 فولت لأنى لم أجد نفس الفولت عند البائع
وهذا المكثف هو المتصل برجل str الرجل رقم 2 وعندما قمت بقياس فرق الجهد بين طرفى المكثف وجدت الفولت حوالى 0.64 على تدريج 20 فولت مستمر للآفو
المكثف الثانى: وقيمته 10 ميكرو على 50 فولت ووضعت بدلا منه نفس القيمة بالضبط وعندما قمت بقياس فرق الجهد بين طرفى المكثف وجدت الفولت حوالى 0.73 على تدريج 20 فولت مستمر للآفو
كما قمت أخى الكريم بالتأكد من قياسات المقاومات إللى جنب الأيسى str خارج البوردة وجدتها كلها تعطى نفس القراءة المكتوبة عليها تقريبا
كما قمت أخى الكريم بقياس فرق الجهد على الزينر الأحمر إللى بعد الشوبر فوجدته تقريبا 0.42 على تدريج 20 فولت مستمر للآفو
ملاحظة هامة: قمت بقياس الفولتات على أرجل الأيسى str d1806 الخمسة (الأسود على سالب المكثف الكبير والأحمر الذى تم به قياس فولت الرجل) فكان الآتى:
الرجل1 لا تعطى أى فولت
الرجل2 تعطى 0.33 فولت (على تدريج 20 فولت مستمر للآفو )
الرجل3 تعطى 314 فولت (على تدريج 1000 فولت مستمر للآفو )الرجل4 لا تعطى أى فولت
الرجل5 لا تعطى أى فولت
يا ترى يا أخى الكريم الخطوة إللى بعد كده إيه
انا عارف إنى بجد تعبك معايا بس أنا فى كل لحظة بدعيلك إن ربنا يكرمك ويبارك لك فى صحتك على صبرك معايا وعلى كرم أخلاقك معايا
متابع مع حضرتك

أخى الكريم الفاضل المهندس مصطفى
السلام عليكم ورحمة الله وبركاته
معلش تعبتك معايا كتير
أنا قمت بالتأكد من كل الأجزاء التى قبل الشوبر وإكتشفت دايود عطلان لما قيسته خارج الدائرة أعطى قراءة فى الناحيتين
فقمت بتغييره وبعدها وجدت طرفين على أيسى الباور بيعطوا نفس فولت المكثف الكبير بعد ان كان طرف واحد هوه غللى بيعطى الفولت
فقمت بفحص أيسى الباور خرج البوردة فوجت طرفين منه بيعطوا جرس بالآفو وبالتالى الأيسى أكيد تالف
والمشكلة الآن إنى مش لاقى نفس رقمه وهو STR D1806 الموجود فى المحلات STR D1816
ف ياريت لو أعرف من حضرتك أتصرف إزاى يا ترى إزاى أعرف البديل لهذا الايسى
عندى فكرة ومش عارف تنفع وللا لا بس عايز مساعدة من حضرتك يا ريت حضرتك تقوللى بيانات ال STR D1806 من الكاتالوج إللى مع حضرتك يعنى الداتا شيت بتاعته وأحاول أشوف أيسى له نفس الداتا شيت بمساعدة من حضرتك بعد إن حضرتك طبعا هل يمكن تنفيذ هذه الفكرة وللا ما تنفعش يا ريت تساعدنى الله يبارك لك أخى الكريم وبعد إن حضرتك طبعا أنا حعمل مشاركة أطلب فيها بديل لهذا الأيسى يمكن حد من السادة أعضاء وأساتذة المنتدى الكرام يقدر يساعدنى ويكون عنده فكرة لبديل كان قد جربه
فى إنتظار متابعة حضرت ياريت تفضل متابع معايا ربنا يكرمك ويزيدك من علمه ويدخلك الجنة من غير حساب ولا سابقة عذاب
متابع مع حضرتك والسلام عليكم

أخى الكريم الغالى أستاذى الفاضل الباشمهندس مصطفى
السلام عليكم ورحمة الله وبركاته
والله أنا فى قمة السعادة لمتابعتك معى ولسانى يعجز عن شكرك أنا قولت خلاص الايسى مش موجود والفيديو حيترمى ومعاه ذكرياتى التى لن تعوض مع جدتى وجدتى رحمهما الله
أخى الغالى الكريم فعلا الفيوز ضرب بس يمكن أكون نسيت أقول لحضرتك وعشان كده انا شيلت الايسى من الدائرة ولقيت الجرس بيصفر بين الرجلين 2 و3 وبين 2و 4 و بين 3و4 فقولت يبقى الأيسى تلف انا ححاول أدور على الأيسى لإن حضرتك بتقول إنه متوفر فى السوق ححاول أسأل عن محلات تانية واشوف الايسى بس لو لم أجده حضرتك بتنصحنى بالبديل str 10006 هل بيقوم بنفس العمل بالضبط بدون أى تعديل فى الدائرة؟(معلش أعذرنى لهذا الاستفسار فانا أريد فقط أن أفهم وعشمان فى حضرتك تفهمنى ربنا يبارك لك)
وبالنسبة ل str 10006 حضرتك بتنبهنى إنه غير معزول ويجب وضع عازل ورقى بين هذا الأيسى وبين حديد الربط الأرضى ورقه ميكا
هل حضرتك تقصد الآتى: أضع المادة البيضاء الخاصة بالتبريد(لا أعرف إسمها ) بين الأيسى والحديدة إللى بيتثبت فيها الأيسى بمسمار وصمولة (بعد لحمه فى البوردة) وهذه الحديدة إللى متثبت فيها الأيسى أضع العازل إللى كان موجود بينها وبين العلبة الحديدية الموجود داخلها كارتة الباور (عبارة عن حته كاوتشة لونها رصاصى ) قبل ما اقفل غطاها؟
ولو حضرتك تقصد حاجة تانية يا ريت توضحلى ما هو ورق المايكا ومنين أشتريه
وياريت توضح لى أخى الكريم كيف أن الدائرة ليس بها فوتوكبلر وما الذى يقوم بدوره
معلش أنا طولت على حضرتك
أخى الكريم الغالى الفاضل متابع مع حضرتك معلش انا تعبتك معايا كتير ربنا يجعل تعبك معايا فى ميزان حسناتك ويوسع لك فى رزقك ويبارك لك فى صحتك وعافيتك
متابع مع حضرتك والسلام عليكم

فى انتظار رد حضرتك أخى الكريم الفاضل واستاذى المهندس مصطفى بحرى