مشكلتى ان السخان لما بنفتح المياه السخنه الديجتال بيشتغل ويقعد يتكتكك والشعله مبتشتغلش وحصلت المشكله دى كزا مره والمهندس يجى ويقول الجلده غيرها وبعد ما يمشى بيومين بيرجع تانى ياريت ربنا يكرمك توضحلى بالصور لانى دفعت كتير للمهندسين وعايزه اصلحه بنفسى

ياريت لو فيه فى بورسعيد لانى منها او الاسماعيليه مركز صيانه ياريت ارقامه لان المهندسين اللى بيجم معظمهم من دمياط وبصراحه السخان بيشتغل يومين وبعدين يرجع تانى فلو حد فى بورسعيد او الاسماعيليه بيصلح السخان ده تليفونه لو تكرمتم ولكم الف شكر

الإحتمال الأقرب هو إن ضغط المياه ضعيف
هل تم تجربة السخان ليلاً أو فى الصباح الباكر ؟

اه الضغط كويس وجربته بالليل والفجر مبيشتغلش

تقريبا عندى نفس المشكله ..
سخان يونيفرسال 10 لتر فيه مشكله حتى فنيين الشركه مش عارفين يحلوها ،
لما بفتح حنفية المياه السخنه ، يبدأ عمل الإشعال ويصدر صوت الإشعال الى هوه (تك . تك . تك) ثم يتوقف عمل الإشعال ( تتوقف التكتكه ) ، ولا يحدث اى شىء .
ويفضل السخان على هذا الوضع أحاول كذا مره لغاية ما يحصل إشتعال ويشتغل ..
وساعات .. بيشتغل من اول مره ... يعنى بحالات ... (على فكرة الحجاره جديدة و ضغط الميه كويس )
فنى الشركه جالى 3 مرات :

المره الاولى : جالى فنى قالى دا السوتش .. وتم تغييره يادوب هوه مشى والمشكله ظهرت تانى .

المره الثاني : جالى فنى وقالى دى جلدة الرداخ . وتم تغيرها ... السخان إشتغل .. يادوب هوه مشى والمشكله ظهرت تانى .

المره الثالثه : لسه إمبارح ..جالى فنى والحمد لله المشكلة حصلت قدامه .. وغيرلى حاجه إسمها ( الكويل ) ..وبعد ما مشى المشكله ظهرت تانى للأسف .

كدا مش فاضل غير إنى اغير السخان كله ...

.

السلام عليكم
بخبرتى المتواضعه فهمت من الشكوى ان السخان لا يدخله الغاز لاتمام عملية تسخين المياه
اخى الكريم تأكد أولا أن أنبوبة الغاز بها غاز
ثانيا تأكد من صلاحية المنظم
طالما ان السخان يصدر صوت تكتكه فهذا يعنى صلاحية كاوتشة الرداخ
وضغط المياه مناسب لعمل السخان
الخطوة التاليه نتأكد من صلاحية الكويل (السلونويد) المسؤل عن فتح
الغاز فاحيانا يفتح لمده قصيره ويقفل بعدها وأحيانا يكون العطل فى القلب
نفسه وهنا يجب تغييره
أخيرا يكون العطل بالدائرة الكهربيه التى تتحكم في ادخال الاشارة للكويل
فيتم مراجعة خروج تغذية للكويل من عدمه فاذا كان العطل هنا تغير الدائره
كاملة وذلك لأنها مدمجه ولايمكن اصلاحها.... تقبل تحياتى وفى انتظار ردك

عندي سخان يونيفرسال 10 لتر غاز وشغال على عاز"البوتجاز" حاليا فيه مشكله غريبه بيعمل شرر لما افتح المياه لكن مبيفتحشي صمام الغاز ومبيحلشي اشتعال ايه الحل وشكرا

عندي سخان يونيفرسال 10 لتر غاز وشغال على عاز"البوتجاز" حاليا فيه مشكله غريبه بيعمل شرر لما افتح المياه لكن مبيفتحشي صمام الغاز ومبيحلشي اشتعال ايه الحل وشكرا