السلام عليكم ورحمة الله
انا ايها الاخوه الاعزاء اعمل بمجال الالكترونيات منذ فتره طويله اشتغلت فى التليفزيون والفيديو والكاميرات, واجهزة التحكم الالى, والكمبيوتر تجميع واصلاح.وانا الان عندى مكان واريد ان ابدأ مشروعى . ولكنى حائر, فالفيديو أنقرض,والتليفزيونات الصينى الرخيصه غرقت الدنيا ,وكل عيله دلوقتى فيها اثنين او ثلاثه بيجمعوا كمبيوتر ,حاسس ان المهنه انضربت , وبقول ياريت المكان الى عندى كان ينفع ورشه ميكانيكى سيارات .............فارجوكم اقترحوا على ماذا أفعل؟
ومن يرى ان مراكز الخدمه مربحه ياريت يرد على.......

ولكم جميعا جزيل ألشكر

وعليكم السلام ورحمه الله وركاته

انت شاب وقدامك مستقبل وممكن تفتح مركز الخدمه والرزاق هو الله لو فتحت فى جبل ربنا راح يبعت لك رزقك خد عندك مثل منى انا راجل عندى 62 سنه لسه من شهر فقط فاتح مركز خدمه جديد فى الاسكندريه وانا عندى مركز خدمه فى البحيره
ده تموح هو فى تموح لراجل فى السن ده انما لو كان فى يد احكم فسيله يوم القيامه فليغرسها دائما يقولها لى احد اصدقائى الشباب وهو تلميذ من تلامذتى هذا معناه انك تستطيه ان تتوكل على الله طالما انك تعمل بما يرضى الله وتتقى الله فى عملك وتتقن مهنتك فسوف يكون لك سمعه طيبه وعملاء يبحثون عنك فى كل مكان توكل على الله ولا تخف فأن الرزاق موجود والله ولى التوفيق والف مبرورك مقدما وابقى اعزمنى على الافتتاح بارك الله فيك وفى اعمالك ان شاء الله
عناصر النجاح فى هذه المهنه هى المواعيد الدقيقه
النظام فى و ضع قطع الغيار فى اماكن معروفه يسهل الوصول اليها بسرعه
الامانه واتق الله فى الاجر
اتقن العمل ولا تترك فى الشغل شىء يعيبه
الصدق
اخر شىء فى نجاحك هو الكفاءه والقدرات الفنيه العاليه

الف شكر على اهتمامك . والف شكر على نصائحك الغاليه والتى انا مقتنع بها تماما .وربنا يوفقك انت كمان ويديلك الصحه:hry: :hry: :hry:

صدقني يا صديقي الارزاق من عند اللة حتي لو الصين وزعت الاجهزة ببلاش بردة هنلاقي رزقنا انا بشتغل في المجال من سبع سنين يعني قبل ما اتخرج صيانة تلفيزيون ودي في دي وسي دي وكمبيوتر وستالايت وكمبيوتر وكاميرات مراقبة وكنت بشتغل من مركز صيانة لمركز صيانة وبنفع اصحابها واحنا في الضياع انا وتلاتة زمايلي في شرم ورغم ان مراكز الصيانة كترت والي لة ومالوش حاسس او شايف انها بتكسب بيجيب 2فنين ويفتح مركز صيانة شهرين ويفشل لانة مالوش فية ومش مجالةاحنا حطينا ادينا في ايد بعض وفتحنا مركز صيانة رغم كمية الي كانو بيفشلو قدام عنينا وبيخسرو وهما يتحملو علشن معاهم فلوس يخسرو لكن احنا كان الي معانا علي القد يعني مش متحملة خسارة وتعبنا في الاول مضحكش عليك والحمد للة اسمنا من اول شرم لاخرها لان انت صاحب المكان فهتخاف علية اكتر وهتسعي تكبرة واستعن باللة وربنا يوفقك والف مبروك

وشرم منوره بيكم دايما ............ودائما للامام ......... وربنا معاكم

وشكرا يا أخى على أهتمامك