أخى الكريم الفاضل المهندس مصطفى بحرى
السلام عليكم ورحمة الله وبركاته
بجد انا مش لاقى كلام اقوله لحضرتك جزاك الله خيرا على ما تفعله معى وعلى صبرك على استفساراتى وربنا يبارك لك
1- بعد إذن حضرتك كنت عايز أفهم حاجة محيرانى جداً طب مادام STR 10006 يقوم بنفس عمل STR D1806 بالضبط إيه السبب فى وجود إختلاف فى أرقامهم وللا التشابه فى حاجات مثل خرج الجهد مثلا وللا إختلاف شركات إنتاجهم وللا إيه معلش يا ريت تفهمنى بعد إذن حضرتك النقطة دى
2- وبالنسبة للزينر الأحمر هو فيه فعلا شورت
3- ووجدت زينر آخر شكله يشبه المقاومة لونه أخضر فاتح وعليه 3 خطوط برتقالى وأسود وأسود وده مكانه فى المنطقة إللى بعد الأربع مكثفات النايمة D23 هذا الزينر لقيته بيقرا فى الإتجاهين خارج الدائرة إتجاه يعطى أقل من 600 وإتجاه يعطى قيمة عالية تعدى 1000
4- وأيضا قنطرة التوحيد لقيت فيها شورت ورقمها S1WB سوف أقوم بإذن الله بتغييرهم
5- ووجدت دايود صغير قبل محول الشوبر وموصل لرجل من أرجله هذا الدايود بيقرأ فى الناحيتين يعنى تالف يا ترى دا دايود 1 أمبير عادى وللا تردد عالى
وبعد إذنك ممكن تقوللى إزاى أتأكد إن مفيش شورت فى الدائرة قبل ما أضع الأيسى الجديد؟
معلش أنا عارف إنى متقل على حضرتك بس بجد حضرتك إنسان كريم ومحترم وربنا يبارك لك يا ريت حضرتك تتفضل عليه بالرد على النقاط السابقة
متابع مع حضرتك والسلام عليكم

أخى الكريم الفاضل وأستاذى الباشمهندس مصطفى
السلام عليكم ورحمة الله وبركاته
كل يوم بيعدى وإنت متابع معايا بتزيد سعادتى ربنا يبارك لك ويرزقك من حيث لا تحتسب وأشكرك على متابعتك معى والرد على إستفساراتى بجد إنت أستاذ بسم الله ما شاء الله عليك
أخى الكريم حقول لحضرتك آخر التطورات ومرفق صور مع الموضوع
للأسف أخى الكريم دورت فى كل محلات الالكترونيات على str 10006 ولكنى لم أجده دا غير التعليقات إللى مش ظريفة من بائعى الألكترونيات إللى يقوللى هوه فى حد بيشتغل بالحاجات دى دلوقتى وإللى يقوللى الحاجات دى قديمة محدش بيطلبها وهكذا
المهم ربنا أكرمنى بواحد فنى كان بيشترى حاجة لما لقانى محتار أشار عليه بشراء دائرة صينى إسمها باور أوسليتور بها 3 أسلاك أسود قاللى تلحمها فى سالب الألكو وأحمر فى مكان رجل الأيسى القديم إللى واصل عليها فولت ال300 من المكثف وأكد لى إنه الفنيين بيعملو كده لتشغيل أى بور يحصل فيه مشكله يصعب حلها أو الأيسى بتاعة مش موجود ولاقيته معندهوش إستعداد يتكلم معايا أكتر من كده
بصراحة كنت زى الغرقان إللى إتعلق فى قشاية
فتوكلت على الله وقمت بشرائها وتركيبها مع وضع العازل الميكا وتوصيل الأسلاك بتاعتها ووضعت فيشة دائرة الباور فى الكهرباء وقيست الفولتيات لقيتها مخرجة فولتيات على سنون السوكت إللى بيكب فيها الكابل الرابط بين كارتة الباور والكارتة الكبيرة للفيديو وكان كالآتى
الرجل 1 19.12 فولت الرجل 2 22.8 فولت الرجل 3 5.36
الرجل 4 مجرد سن غير موصل لأى خطوط الرجل 5 و6 لا يوجد عليهم أى فولت الرجل 7 20.5 فولت الرجل 8 و 9 12.5 فولت الرجل 10 29.8 فولت
بصراحة فرحت جدا وقولت الفيديو كده حيشتغل بإذن الله لغن الفولتيات دى كانت مش خارجة فى الأول خالص
ولما وصلت كارتة الباور للفيديو وربط مسمار سلكة الأرضى وشغلت لقيت الجهاز زى ما يكون حيشتغل ويروح فاصل تانى يعنى اللمبة الحمراء بتاعة رز الباور فى واجهة الفيديو بتنور وبسمع صوت الفيديو كإنه حيشتغل ولكنه لا يعمل وتنطفى اللمبة تانى
فصلت كارتة الباور وبصيت فيها إفتكرت إن فيه الزينر الأحمر الكبير (إللى فيها شورت) وزينر آخر صغير بيقرا من الناحيتين عند قياسه خارج الدائرة (لونه أخضر فاتح وبه ثلاث خطوط برتقالى أسود أسود والبرتقالى من ناحية سالب الزينر ناحية السالب ومكانه بعد المكثفات النايمة ومكانه d23) كنت قد خلعت الزينرين ولم اركبهما ومش عارف القيم بتاعتهم إيه حتى لما حاولت أشترى البائع قاللى حدد لى قيمة الزينر الذى تريده ولم يعرف مش شكلهما
انا قيست الفولت عند مكان الزينرين على الكارتة عند الطرف إللى فيه الشارطة المكسورة بال؛مر والأسود على الأرضى طبعا فوجدت الآتى
عند مكان الزينر الأحمر 12.08 فولت وعند الزينر الصغير 16.53 فولت
يا ترى كارتة الباور أوسليتور نافعة والمشكلة فى عدم تركيب الزنرين وللا المشكلة حاجة تانية أنا حاطط لحضرتك شكل الزنرين ياريت بعد إذنك تقوللى قيمهم إيه حتى أقول للبائع عند شرائهم
معلش اخى الكريم أنا عارف إن الموضوع طول بس أن عشمان فى ربنا أولا ثم فى كرم أخلاقك وعندى إحساس إن الجهاز قرب يتصلح وتصليحه إن شاء الله حيكون على إيديك ربنا يكرمك ويحقق لك كل ما تتمناه ويدخلك الجنة من غير حساب ولا سابقة عذاب
متابع مع حضرتك أخى الكريم وإليك الصور
صورة كارتة الباور أوسليتور وهيه راكبة فى كارتة الباور




صورة مكان الزينر الصغير




شكل الزينرين


متابع مع حضرتك أخى الكريم والسلام عليكم ورحمة الله وبركاته

أخى الكريم الفاضل الباشمهندس مصطفى
السلام عليكم ورحمة الله وبركاته
أشكر حضرتك جدا جدا على ذوقك معايا وعلى متابعتك معى والإهتمام بالرد على كل إستفساراتى ربنا يبارك لك
حضرتك تقصد إن على الرغم من خروج الفولتيات المناسبة من كارتة الباور بمساعدة الباور أوسليتور إلا أن الصورة لن تكون واضحة
طب يا ترى المشكلة ممكن تكون فى إيه؟
أخى الكريم مش أساس تشغيل أى حاجة فى الجهاز خروج الفولتيات الصحيحة؟ والباور اوسليتور مجرد مذبذب تيار طب إيه علاقته بوضوح الصورة من عدمه
معلش دا مجرد إستفسار للفهم لإن حضرتك خبرة طبعا وأنا تلميذك واريد أن أفهم هذا المشوار
لإنى ركبتها ولقيت الصورة فعلا مشوشة بس ممكن السبب يكون عندى من الشريط نفسه
بالنسبة لقيم الزنرات بجد إنت راجل استاذ لإن بتوع الالكترونيات محدش عارف من شكل الزنر يجيبلى نفس القيمة
يا ريت حضرتك بعد إذنك تقولى معرفة الفولت والوات للزنرين ولأى زينر عموما تتم إزاى؟
ويا ترى نفس قيمة الزنر معناه نفس الشكل والاوان وللا ممكن نفس القيمة ولكن الشكل مختلف لأن نوع الزينر مختلف مثلا ؟
وبالنسبة لسؤال حضرتك أيوة كارتة الباور فى علبة ألومنيوم
معلش طولت على حضرتك وكثرت إستفساراتى بس بجد إنت إنسان روعة فى الذوق والعلم ربنا يزيدك من علمه ويرزقك من حيث لا تحتسب ويجعل متابعتك معى فى ميزان حسناتك
متابع مع حضرتك والسلام عليكم

أخى الكريم الفاضل وحبيبى الغالى الباشمهندس مصطفى
السلام عليكم ورحمة الله وبركاته
أشكر حضرتك جدا جدا على مساعدتك لى وربنا يبارك لك
سوف أقوم بشراء الزنرين بالقيم إللى حضرتك قولتها لى
وعلى فكرة أنا من إسكندرية والأيسى الأصلى والبديل لم أجدهم عندنا فى محطة الرمل فى شارع النبى دانيال عند بتوع الألكترونيات
عشان كده إضطريت لتركيب الباور أوسليتور وربنا ييسر الحال وتنفع ححاول أتأكد غن العيب مش من الشرايط
بكرر شكرى لحضرتك وأتمنى من الله تكون دائما بخير وصحة وسعادة وألف مبروك على الأربع ستات
وإن شاء الله لو عندى اى إستفسار سوف أضعه فى مشاركة منفصلة طبعا وأتمنى بعد إذن حضرتك أن أجد رأيك ومشورتك وتفاعلك مع مشاركاتى فانت رجل ذو خبرة ومحترم وخلوق وأنا تعلمت على يديك حاجات كتير فأنت أستاذى
والسلام عليكم ورحمة الله وبركاته