السلام عليكم
تحية طيبة وبعد
استفسار الله يكرمكم عن معاد الفقس با الظبط با النسبة للسمان
حتى الساعة التى اكتب فيها البيض بقاله
17 يوم و6 سعات يعنى انا فى اليوم الثامن عشر من بدايته وحتى الان
لم يتم فقس اى بيضة حتى الان ما رائيكم فى هذا الوضع
هل لا يتم اى فقس غير بعد مرور اليوم الثامن عشر كاملا او ايه با الظبط
وجزاكم الله خيرا

السلام عليكم و رحمة الله و بركاته

يبدأ موعد فقس بيض السمان في اليوم السابع عشر و يمكن أن يمتد ليومين إضافيين ٖ أفضل شيء في هذه المرحلة هو التحلي بالصبر و الهدوء بعد التأكد من وصول الرطوبة للمستوى المطلوب .

أتمنى لك التوفيق ٖ و إن شاء الله نسمع أخبارا طيبة .

بسم الله الرحمن الرحيم


تحية احترام


القليل من الصبر ينفع ؟؟

بالاضافه انها وجبه تجريبه ؟؟ اي انت الكثير مر المرات فتحت المفقسه وعدلت...الخ
فاكيد ان البيض سوف يتضرر ( وقد يكون من ضمن الضرر التاخر في التفقيس)

اصبر وتوكل على الله وهو حسبك والقادم احسن



ابو احمد

بسم الله الرحمن الرحيم

تحية احترام


ماهي الاخبار؟؟


ابو احمد

السلام عليكم
تحية طيبة وبعد
اولا انا فرحان جدا جدا
هقولك ليه بس الاول انا حابب اشكر اولا عمنا الحبيب ابو احمد
بارك الله فيه وجزاه عنا كل خيرا
واشكر ايضا باقى الاخوة الافاضل اعضاء هذا المنتى الرائع والجميل
كلا باسمه ورسمه ووصفه
هقولك انا فرحان ليه
الحمد لله انتهت عملية الفقس وكانت النتيجة 50%
واحد يقولي 50% وفرحان اقوله ايوة وجدا جدا كمان
لان شفت نتيجة جهدى وتعبى اثمرت امام عينى ولو اقل من كده برضو الحمد لله
هحكلكم من بداية التجربه للاستفاده
وانا عايز كل الاخوة اللى بيعملو فقاسات ويبتدى اول تجربة ليه
انه يحكي عن تجربته للستفاده منها
انا وضعت البيض وفى اول يوم لاقيت الرطوبة نزلت
اللى عامل موضعها اللى بكلمكم منه الان
وافتح الفقاسة مرة واتين وثلاثة
واحط مية مرة وتين وتلاته
وفوق وتحت ومفيش فايده وافتح تانى واحط ماتور سمك
برضو مفيش تقدم
واجيب واحد تانى فوق
فتخيلو مية فوق وتحت وماتور فوق وتحت ومفيش تقدم الى ان اكتشفت
ان القياس لازم يكون داخل الفقاسة لانه كان بيقس خارج الفقاسة
وانا الف حوالين نفسى وكذالك انقطاء التيار كام مرة
وايضا شوية لاخبطات كده حتى وصل اليوم الثامن عشر معاد فقس البيض
ومفيش حاجه فقست فكتبت هذا الموضوع السؤل عن ميعاد الفقس المظبوط
فقلى اخونا معاذ الفقس للسمان يبدا من اليوم السابع عشر وربما يزيد يومين
وايضا عمنا ابو احمد قالى تحلى باالصبر
كل شوية رايح على الفقاسة ومفيش شيء ظهر
لدرجة انى يسئت وكنت هفتح الفقاسة واكسر البيض وفى اليوم التاسع عشر
وانا رايح ابص على الفقاسة لاقيت كتكوت فاقس وبيتحرك
ما استطيع ان اشرح لكم ما كانحالى حينها من السعادة التى لا توصف
وانا شايفها قدامى بتتحرك ث بعد ذالك واحدة فواحدة
الى نهاية اليوم العشرين ونسيت اقولكم كمان كان فيه كام بيضة غير مخصبين
وده كمان كان بشائر بيض يعنى اول بيض للسمان
المهم يعنى الحمد لله فقس عندى اكثر من اربعين كتكوت وهم ولله الحمد
بصحة جيدة وتمام التمام
الحمد لله والشكر لله ثم لعمنا ابو احمد والاخوة الكرام
وليه عندك سؤال يا ابو احمد بس هخليه فى موضوع منفصل لوحده
عشان يبقىموضوع مستقل با الفقاسة الجديدة

ان شاء الله القادم احسن

بسم الله الرحمن الرحيم


تحية احترام


الله يديمها عليك فرحه( والله اكاد احسها في صدري)...اميين
وهذا نتاج اجتهادك وتفانيك ومن جد وجد ؟؟
نعم ممكن تكتب موضوع عن تجربتك من الاف للياء وتحسب لك صدقه ...ان شاء الله

والحمد لله وحده والقادم احسن بعونه تعالى والخيرين من امثالكم


ابو احمد