اخوانى الاعزاء موضوع جديد معلش استحملونى لانى بجد حاسس انى بتقل عليكم بس والله بستفيد جدا منكم وبنجح فى الصيانه وبدقه واتقان بسبب مساعدتكم وعدم بخلكم على
التليفزيون بتاع انهارده هو ال جى LG موديل cf 21 s 10 e جالى انهارده وصلته بالكهربا اللمه بتاعت الاشاره كانت بتعمل فلاش يعنى تضئ وتطفئ وكانت استجابته للرموت بصعوبه عشان يفتح لكن بدون صوره ولا صوت ولا اى علامه على الشاشه لكن بعد فتحه كان يستجيب للرموت دون اثر على الشاشه ايضا فقمت بفكه وتنظيفه جيدا ثم قمت بتوصيل الكهربا فكانت اللمه فلاش ايضا لكن لم يستجب للرموت اطلاقا فاختبرت الريموت وتاكدت انه شغال والجهاز لا يستجيب للرموت فقمت بقياس الفولت على المكثف الكبير وجدته 295 فولت وعلى اللاين 112 فولت ولا يوجد اى فولت على اى سى الفرتكال مع سماع طقطقه بسيطه بالقرب من اى سى الباور فمن اين ابدأ وجزاكم الله خيرا

الجهاز اصلا لا يستجيب للريموت ولا زراير التشغيل اليدوى يعنى فى حاله استاند باى المفروض انى اختبر ايه عشان الريموت يفتح الجهاز؟

السلام عليكم
بالاضافه لماذكره مشرفنا الكبير ممدوح ليزر
بدل شريحة المقاومات بجانب الميكرو وهى برقم AR01
مكان الشريحه رقم AR02 وجرب ونتابع معك

اخى هو المفروض ان الليد تضئ اضاءه عاليه ولما افتح الجهاز بالريموت مثلا تخفت هذه الاضاءه ؟ ده صح ولا انا غلطان ؟ لان الليد بيعمل فلاش بيقيد ويطفى يعنى وانا حاسس ان المشكله كلها فى اى سى الباور عشان صوت الطقطقه دى هل ده مظبوط؟ ويا ريت لو فيه مخطط ليه تبعتهولى وجزاكم الله خيرا

رحم الله اخانا حسن يوسف ونرجو ان يتغمده الله برحمته
اى س الباور str - f6654 ورقمه فى البورده 803
اى سى اللاين ورقمه فى البورده Q741
اى سى الفرتيكال TDA8351 ورقمه فى البورده 301
اى سى KA78R08 ورقمه فى البرده 841
بالاضافه للفوتكبلر ورقمه 801 واى سى مبطط كده شبه اى سى باور الريسفر ورقمه 802 فى البرده والمكثفات كلها شكلها نضيف وبالقياس سليمه
ابدا من اى اى سى فيهم ؟
بالنسبه لشريحه المقاومات انا اول مره اتعامل معاها وبصراجه مش عارف ازاى اخلعها هل افك اللحام ولا اشد الشريجه البيضا ؟ وشكرا اخوانى

معلش اخوانى على الاطاله اكتشفت شئ مهم
الجهاز بعد ربع ساعه من تشغيله يستجيب للريموت وبعد ساعه تقريبا بيفتح الشاشه ابيض واسود يعنى مفيش الوان اعتقد كده ان المشكله فى المكثفات يا ترى ابتدى من اى مكثف؟