عندى غساله ايديال زانوسى جايبها من 5 سنين تقريبا
الغساله وهى بتلف صوتها بقى عالى وفيه خشونه وكمان وهى بتلف بسرعه عشان تنشف بقى صوتها عالى ومزعج
بالظبط زى صوت الرومان بلى وهو بايظ

هو الغساله دى فيها رومان بلى من جوه ولو فيها يبقى كده باظ ولا العطل فين بالظبط

نصيحة من أخوك وضد الإستغلال والإبتزاز
طبعا أخى الرومان بلى هو إللى بايظ وأنصحك أن تتوقف عن الغسيل عليها كى لا يتلف عمود الحلة " الأكس"
ولو تقدر تفك الحلة وتغير البلى بنفسك أفضل لأنك ستتحمل ثمن البلى والأويل سيل فقط .. يعنى فى حدود ال 50 جنيه مع مجهودك
أما لو استدعيت بتوع التوكيل راح يعمل فيها خبير صواريخ ويقولك ننقلها للتوكيل مع شوية قنزحة ومكالمة بالموبايل للمركز ومحاولة إظهار أن الموضوع جد خطير ويمكن أن يتسبب فى إحتلال مصر من الأعداء والتكلفة 700 جنيه على الأقل .. يعنى أكبر من ثمن غسالة مستعملة تعمل بحالة جيدة علاوة على الإستغناء عن الغسالة لمدة مابين أسبوعين إلى شهر
حاول بنفسك ولو على سبيل التعلم ولو كنت أبيض خالص ومالكش فى الميكانيكا ممكن أن تستعين بأحد أقاربك أو أصدقاءك ممن لهم خبرة وإذا استصعب عليك فأمرك لله واستدعى بتاع الغسالات بتاع الحى أو المنطقة وتكون عنيك فى نص راسك
تحياتى

دول مش توكيل

دول حراميه بس بكارنيهات وفواتير واختام رسميه

وكأنهم بيصلحوا مفاعل فوكوشيما

ربنا يصلح الحال

شكرا اخى مهو عشان كده قولت اسألكم عشان عارف ان بتوع التوكيل حيعملو فتح ونصب ده عشان يجى البيت بسس ب 50 جنيه
طيب الغساله بقالها شهر على الوضع ده تفتكر يكون الاكس ده حصله حاجه لا قدر الله هو بنستخدمها مرتين او 3 مرات اسبوعيا
انا بفهم فى المكانيكا بس عمرى مفكيت الغساله دى قبل كده الغساله العاديه بفهم فيها لكن الاتوماتيك ملعبتش فيها

مفيش فيديو او صوره توضح كيفيه فك الرومان بلى دى وانا حعرف اعمله ان شاء الله

مع العلم ان الغساله اللى عندى زانوسى اكوا تك 18 برنامج

شببه اللى فى الصوره دى بالظبط

عليك القيام بالآتى إن كان لديك دراية بأعمال الميكانيكا
1-أفصل التيار الكهربى والمياه عن الغسالة
2-فك غطاء الغسالة العلوى بواسطة مفك صليبة او مفتاح8
3-قم بفك البنزين الخاصين بتثبيت الكابل والسلونيد بواسطة مفك تيست
4-يوجد فى جوانب الغسالة من الاسفل طبة بلاستيك اخرجها بمفك رفيع وقم بفك المسمار الداخلى بواسطة لقمة 8 وقم بفك المسامير الخلفية من الاسفل بواسطة نفس اللقمة وقم بسحب الظهر بكامله للخلف
5-سوف تظهر الحلة الخارجية وفك الطنبورة بواسطة مفتاح 17
6-قم بفك الوصلات الكهربية الخاصة بالسخان(2طرف) والموتور (سوكت)والطرف الارضى وابعداهم على جنب وفك الثرموديسك برفق وفك الموتور من المسمرين الحاملين للموتور بواسطة لقمة 8 وارجاعه للخلف وتنزيله فى الارض
7-قم بفك الخرطوم الواصل من درج المسحوق للحلة والخرطوم الواصل من طلمبة الطرد والحلة من الاسفل وفك افيز جوان الباب وادخل الجوان داخل الحلة
8-قم بفك الثقل الموجود بواسطة لقمة 13
9-يوجد فوق السوست الحاملة للحلة قطع معدنية مربوطة بمسامير قم بفكها بلقمة 8 وقم بفك صوابع التثبيت للمساعدين الموجودين على جوانب الحلة والفك يكون بواسطة لم بنز الصابع من الخلف وسحب راسه بالبنسة
10- قم باستدعاء المساعد وقم انت من ناحية وهو من ناحية برفع الحلة من المساعدين واخراجها بعيدا عن الغسالة
11-بواسطة لقمة 8 طويلة قم بفك مسامي تجميع الحلة
12- سوف تظهر امامك الحلة الداخلية قم بقلب الحلة واجعل العمود امامك بواسطة الدق على العامود ستخرج الحلة الداخلية تأكد من صلاحية الجلبة النحاس
13-قم باخراج البلى والاويل سيل وركب الجديد

وبالتوفيق

شكراااااا جدا ليك على المشاركه المفيده

انا لقيت تقريبا نفس الشرح فى موضوع قديم بس مش لاقى صوره توضح الكلام ده شويه لانى فنى الكترونيات بس بفهم فى الاجهزه الكهربائيه شويه

الف شششششششششككككررررااااا