بديل ريموت دايو ضروري

محمدالمصري · 14-05-2009, 03:13 AM

السلام عليكم ورحمة الله
اخوانى اسأل عن بديل لريموت دايو
رقم الريموت : R-28A
يعمل على الجهاز بموديل : 16C1
رقم الشاسيه : CP-320

مصطفى بحرى · 14-05-2009, 03:54 AM

بسم الله والصلاه والسلام على رسول الله
موجودومتوفر أخى بالاسكندريه ثمنه تقريبا5جنيه
ملحوظه مهمه :-
دائما ننصح الإخوه بكتابه المدينه والبلد فى الملف الشخصى
لكى يتسنى لمن فى نفس المكان أن يدل على مكان الشىء المطلوب

الباسم.حسن يوسف · 14-05-2009, 04:03 AM

اقتباس المشاركة الأصلية كتبت بواسطة مصطفى بحرى

بسم الله والصلاه والسلام على رسول الله

موجودومتوفر أخى بالاسكندريه ثمنه تقريبا5جنيه
ملحوظه مهمه :-
دائما ننصح الإخوه بكتابه المدينه والبلد فى الملف الشخصى

لكى يتسنى لمن فى نفس المكان أن يدل على مكان الشىء المطلوب

بسم الله الرحمن الرحيم

أخى العزيز مهندس / مصطفى بحرى
تحياتى اليك وسلامى
الدايو الريموت المتوفر بالسوق لا يعمل وخاصه بهذا الموديل
ولابد من الأصلى وثمنه يتعدى المبلغ كثيرآ

مصطفى بحرى · 14-05-2009, 05:34 AM

بسم الله والصلاه والسلام على رسول الله
صباحو أبيض ياعم الحاج بعد صلاه الفجر
عموما أخى حوالى 7,8 موديلات دايو ويعملوا جيدا
من عند راديو خيرى بشارع النبى دانيال والمعطوب بأرجعه
مش هو ده اللى فيه زرار باور تاتش بالأمام ولايوجد زر منيو16ًٍ

محمدالمصري · 14-05-2009, 09:41 AM

صباحكم عسل
ازيكم عاملين ايه وحشينى من زمان
ايه اخبارك ياحج مصطفى لعلك بخير
تمام هو الريموت المطلوب
انا من قنا والريموت ده مش موجود خالص فى المحافظه كلها
والريموت طبعا زى ماانت عارف منه المنيو
يعنى كده الجهاز واقف من غير بحث
ما الحل
انا عندى اكثر من عشر زباين خاوتينى على الريموت ده
عموما ربنا يقدم اللى فيه الخير

مصطفى بحرى · 14-05-2009, 02:13 PM

بسم الله والصلاه والسلام على رسول الله
بارك الله فيك أخى وفى أهلنا فى الصعيد جميعا
ممكن أى واحد نازل القاهره يشترى كام واحد ويجربه
وزى ماقلت لك رخيص أو قولى إزاى أرسلك 5
محبه فى وجه الله وخدمه لأهلنا وأصلنا
ملحوظه :- ممكن تعمل برس لفتح صفحه المنيو
بوت 50 كيلو طرف منه على+5 فولت وطرف الوسط
والأخير على طرف برس وطرف البرس الآخر على نقطه
المفاتيح الأماميه الواصله لآىسى الميكرو وتغير فى تدريج البوت
وتضغط البرس حتى تجىء صفحه المنيو سأنظر للشاسيه وأطلعك بالضبط

موفق · 14-05-2009, 03:14 PM

السلام عليكم ورحمة الله وبركاته
الى جميع الاخوه الفنيين والمهندسين بالقريه الالكترونيه
اصلاح الريموت الدايوا الموجود بالاسواق
الريموت ال50 قناه الاستريوا يوجد منه انواع رديئه لا تعمل والحل بسيط جدا هات الريموت وغير الكريستاله 455 باخرى من نوع 480 وان شاء الله يعمل تمام وبدون اى مشاكل والله الموفق والله اعلى واعلم

محمدالمصري · 15-05-2009, 03:28 AM

السلام عليكم
شكرخاص للحج مصطفى بحري
واهل الصعيد يتشرفو بيك
تصدق وتأمن بالله
من خلال مشاركاتك حسيت ان انت راجل صعيدى
يمكن الدم بيحد؟
فكرة البرس مشكله والريموت اسهل خصوصا انه كان مغرق السوق . انا اول مره ملقهوش كده !
اخى الكريم موفق ممكن تكتبلى رقم الريموت
بارك الله فيكم جميعا