عندى غساله ماركه قديمه اسمه RUM 500 حصل فيها مشكله غريبه فجاه . بتلف شمال عادى ( نفس اتجاه العصير ) على السرعه البطيئه و بتعصر عادى برضه بس لما تلف الاتجاه التانى لليمين بتحاول تلف و ما تلفش ؟؟؟ غيرت المكثف بجديد 16 uF زى القديم و برضه المشكله قائمه . سالت كهربائى مواتير و قاللى فى بادئ حركه بداخل الموتور غالبا محروق ؟؟؟ ازاى لما بتلف اتجاه الشمال كويس ؟؟؟ وواحد تانى قاللى هتلاقى مقاومه على الموتور جرب تغييرها . بس مش عارف شكلها ايه المقاومه دى و بتكون فين ؟؟ ارجو الرد و شكرا مقدما .

السلام عليكم

غالبا المشكلة في الموتور .. لان الموتور يوجد بداخله ملفين ، واحد للتنشيف وواحد للغسيل ، يعني واحد سريع وواحد بطيئ ..

شكرا على الرد .

طب لو فى الموتور ؟؟ ينفع الغى الاتجاه اللى بيحاول يلف و يبطل ؟ عشان الموتور ما يسخنش و يتحرق خالص ؟

انا عندى الموتور 5 اطراف . راكبين بفيشه على الموتور .
احمر اخضر اصفر اسود ازرق

محاولة الحركة تعني ان هناك تيار كهربائي يصل للمحرك .. وتغير المكثف لا يعني شىء لأنه مسئول عن الحركة بالاتجاهيين معا ..

تأكد وجود عائق ميكانيكي خاصة اذرعة الكلش " لا اعلم معني العربي للكلمة - clutch "
الكلش يقوم بوصل تروس الغسالة او الجزء الميكانيي منها مع المحرك " الجزء الكهربائي "



ايضا .. أن كان هناك توقف تام في احد الاتجاهات للمحرك

للغسالات الحديثة فالأغلب هو تلف في احد الترياكين المتحكمان بحركة المحرك ..

و بالنسبة للموديلات القديمة فربما هناك خلل في ملامسات الكهرباء الميكانيكية داخل المحرك

شكرا يا فهد باشا .
بس ما اظنش ان الغساله دى فيها ترياك اصلا . ده موديل قديم .
الترياك حسب معلوماتى بيكون فى الموديلات اللى فيها كارت الكترونى .
الكل يجمع الان ان الموضوع له علاقه بالموتور .
ملحوظه اخرى هيا انى لو شغلت الغساله فاضيه بتلف الاتجاهين عادى جدا . بس لو حاولت اوقف الموتور بايدى فى الاتجاه البايظ بيقف مع بعض العزم . لكن الاتجاه السليم طبعا مش باقدر اوقفه خالص .

انا اللى عايز اعمله دلوقتى و مش عارف اذا كان ينفع و الا لا ؟ انى الغى الاتجاه البايظ عشان ما يبقاش فيه تجميل على الموتور وقت التشغيل عليه و يسخن و يبوظ كله .

حد يقدر يفيدنى فى الموضوع ده ؟

السلام عليكم

حاول شوف واحد مستعمل من الخردة بس يكون شغال وركبه افضل من تعطيل جزء من الغسالة كما انني اعتقد ان هذه العملية اصلا لن تنفع ( الغاء احدى ملفات الموتور )

ملفات الاتجاهين في محركات التيار المتردد هي واحده .. ويتم تغير اتجاه المحرك بتغير قطبية المكثف المتصل مع ملفات بدء الحركة ..
لهذا والله اعلم لا توجد طريقة كهربائية لعزل اتجاه الموتور

كلام حضرتك صح . بس يعتمد على نوع الموتور .
لو الموتور بتاعى بنفس النظام اللى حضرتك بتقول عليه و المشكله تغيير قطبيه المكثف يبقى العيب من التايمر او ريلاى ( لانه بيكون المسؤول عن تغيير القطبيه فى هذه الحاله ) و انا مش لاقى ريلاى عندى . و التايمر سليم . و جربت اشغل الغساله فاضيه خالص من غير مكثف و الموتور ما لفش خالص فى الاتجاهين . و لما ركبت المكثف اشتغل فى الاتجاهين . بس الاتجاه البايظ كان بيقف لما امسك الموتور بايدى . اذا الموتور هوا المشكله على حسب المعطيات دى !!!!

الا لو انا كنت مش فاهم كويس . لانى بصراحه مش بتاع صيانه غسالات . بس كذا مره غيرت موتور السحب و السخان و غيرت التايمر مره فى الغساله دى .

شكرا للجميع لان اكتشاف الاعطال لا يحدث الا بمشاركه الاراء .


انا الافوميتر فى الشغل . هاجرب انهارده اجيبه و اشوف عند الاتجاه البايظ الفولتيات ايه و عند الاتجاه السليم ايه . و اجرب موضوع فصل الاتجاه البايظ .