السلام عليكم.
------------
انا مبتدء فى الميكرو كنترول انا طالب فى 3 اتصالاات
وحابب اتعلم الميكرو كنترول
---------
انا عارف برامج المحاكاة كبديل عن التجربة
لاكن انا عاوز مثلا انزل النخيليى فى القاهرة
اشتري اية وبكام
يعني عاوز قايمة باسماء كل الاجهزة والادوات الى ممكن احتاجها
عشان اعمل تجارب ميكرو كنترول

بداية أخى ستحتاج إلى مبرمجة للميكرو كنترولر وطبعا ميكروكنترولر ونوع الميكرو تختاره على حسب احتياجك وهذا كل شئ لبرمجة الميكرو أما باقى المكونات فهذه على حسب المشاريع التى ستعمل عليها
بالنسبة للمبرمجة يوجد نوعان من المبرمجات النوع الأول يعمل عن طريق المنفذ التسلسلى Serial port والنوع الثانى يعمل عن طريق ال USB ولك أن تختار اما أن تشترى المبرمجة جاهزة من المحل أو أن تصنعها بنفسك
هذا الرابط يوجد به مخطط لمبرمجة تعمل عن طريق Serial port وتسمى JDM Programmer
http://qariya.com/vb/showthread.php?t=40760
ستجدها فى المشاركة رقم 5

من الناحية البرمجية ستجد كل ما أنت بحاجة إليه فى لغة الميكروسى فى الرابط الذى وضعته بالمشاركة السابقة للمهندس الكبير جداً م/أحمد سمير فايد ولن تحتاج إلى شئ آخر لأن كل شئ ستعرفه من أستاذنا العظيم وهل يفتى ومالك فى المدينة

تكمله على كلام المهندس احمد

ده بعض الادوات اللى هتحتاجها واسعارها

جهاز البرمجه
النوع
jdm program
ب 65 جنيه

البيك 16f84a
ب 14 جنيه

كريستاله ب 4 جنيه

ليد
الواحده ب ربع جنيه
مقاومه ب 10 قروش

وكل ده موجود فى التحرير عند شركه اسمها رام (ram)

ومن افضل الشركات اللى بتعامل معاها
والفرق بينها وبين النخيلى مش كتير يعنى جنيه او 2 جنيه حاجات لا تذكر

اشكركم جدا جدا
------
بلنسبة الاخ مصصطفى
جهاز الاول
دي صورتو صح كدا


-----
ودي دايرة متكاملة



-------------
انا عاوز اعرف هل البيك 16f84a
هيا دي الى انا ها احرق عليها ملف الهيكسا
ولو صحيح هيا هل بتقبل للحرق اكتر من مرة
ولو عاوز واحدة بتتحرق مرة واحدة سعرها ها يختلف
-------------
انا عاوز اجيب برضو حجات كتير تانية زي شاشة العرض lcd
وسفن سجمنت واى ايسهات ممكن احتاجها
يا ريت تقولوي شوية حجات كدا على قد ما تفتكرو

تفضل يا اخى الكريم هذا موقع شركة رام فى التحرير ،، ويوجد به جميع ما تتخيله من مكونات ،، وألأحلى انه يمكنك من الشراء مباشره من الموقع و التسليم والدفع فى مقرك انت و الذى تحدده و يمكنك ايضا الأتصال بالتليفون بهم و تطلب كل ما تريده و الدفع عند الأستلام لحد باب منزلك ،، وألأجمل كمان ان الموقع عليه صور المنتجات كلها و اسعارها ...... تفضل يا اخى رابط الموقع
http://www.ram-e-shop.com/oscmax/catalog/

الف شكر اخ waeltealeb
-------------------
فى بس شوية استفسارات عشان انا مبتدء
انا ها اروح اشتري الحجات ان اشء الله
بس المشكلة انو عاوز افهم شوية حجات
---
عاوز اعرف الجهاز او الدايرة الى بيتحط عليها ic
فى منها انواع كتير ولا هوة نوع واحد بس شركات مختلفة
وعاوز اعرف لو فى انواع هل كل نوع بيعمل حاجة معينة ولا كلو بيؤدي نفس الغرض
وعاوز اعرف الic الى انا ها ابرمجو ينفع يتبرمج اكتر من مرة
وهل ic دا فى منو انواع ولا هوة ثابت

حرف F فى 16F84a يرمز إلى أن البيك يحتوى على فلاش لتخزين البرنامج الذى ستقوم بحرقه عليه وتستطيع الحرق عليها ألف مرة أما بالنسبة لسئالك فنعم هذا هو البيك الذى ستقوم بالحرق عليه وإذا أردت بيك تقوم بالحرق عليه مرة واحدة ابحث عن البيك الذى يحتوى على حرف C بدلاً من حرف F