السلام عليكم ورحمة الله وبركاته
اولا احب اشكر منتداكم وكافة المنتديات المختصة بالصيانة لاني كنت تلميذ بها والحمد لله قدرت اتعلم صيانة الرسيفر
في الاونة الاخيرة دي التلفزيون اللي كنت شغال عليه ربنا كرمه وباظ وجبت غيره تلفزيون صيني اسمه بلازما 21 بوصة
وهنا بدات المشكلات في الظهور طبعا التلفزيون مش بيعرض صوت بدون صورة ودي مش مشكلة
انما المشكلة انه مش بيحس بالصورة الا من مكانها الطبيعي
يعني لو جاني رسيفر قاطع صورة وحاولت بكابل الاشباح مش هلاقي صورة خالص
لدرجة اني جبت جهاز شغال وفتحته وحاولت القط صورة من اي سي الصورة او الترانزوسترات الخاصة بالصورة دون جدوى لكنها شغالة فقط على مخرجها الطبيعي
قولت يمكن لازم يكون في ارضي على الوصلة
خرجت من كابل الاشباح كابل اخر للارضي وخليته على اي ارضي في الرسيفر وبرضو نفس المشكلة
ياترى ممكن الاقي حل من خبراء صيانة التلفزيون والرسيفر والا ابيع التلفزيون ده واجيب غيره
ارجو من حضراتكم المشاركة فانتم من تعلمت على يديهم واعلم انكم لن تبخلو علينا بعلمكم
مشكلة تؤرقني وارجو ان اجد منكم مشاركة لحلها
