طريقه توفر وقت كتير فى تركيب دائرة البور

mohamed_fathy · 12:11 AM

السلام عليكم

الساده الكرام
زى ماتعودنا مع بعض معلومات بسيطه بس بتوفر الوقت وأهم شئ الوقت
فكيت أجهزه كتير ويا حسرتاه
أجد الدائرة ملفوفه فى ورقه أو كيس ومرميه داخل الجهاز
كلامى هذا على الأجهزه الضيقه فقط زى كتير من الأجهزه 14 بوصه وخاصتا الجولدى وجولدستار 23 و24 نظام العلبه ليس بها أى مكان يستوعب أى إصافه
فهناك ناس بتلفها أو بتعلقها بسلك أو بتفرغ مكان دائرة البور القديمه بالكامل
وتثبتها مكانها وهذا يستنزف وقت غير عادى ودا كله علشان بثبتها
حاجه ممله
إليكم أحبائى الفكره الجميله التى منحها الله لى هى بسيطه جدا
المكونات
أحضر عدد 2 مسمار بصموله
تعمل بهم إيه حتثبتها فى الغطاء فى الجانب
ولاكن إنتبه إعمل بروفه لعدم تلامسها مع أرضى الشاشه وبعد كده حدد مكان المسامير طبعا واحد يمين أعلى أو شمال والأخر عكسه أسفل يعنى ميكنوش فى إتجاه واحد
هى فعلا معلومه بسيطه ولا تساوى شىء فى بحور علمكم الزاخره
ولاكنى أجدها مهمه لعدم ضياع الوقت فاسمحولى أرفقها مع أخواتها
وهى طرق سهله لإختبار مراحل التلفزيون لعدم ضياع الوقت
لكم تحياتى

محمد البدوي · 09-02-2010, 11:05 PM

فكرة رائعة استاذي البشمهندس محمد فتحي

مصطفى بحرى · 10-02-2010, 03:51 AM

بسم الله والصلاه على رسول الله
بارك الله فيك وجزاك خيرا
عن نفسى لاأركب دائره باور أو ريموت
إلا إذا كانت مثبته ومستغل تبريد الجهاز وبشكل جميل
لايهمنى الوقت طالما ماطلبته أخذته

mohamed_fathy · 11-02-2010, 01:28 AM

شكرا لحبيبى الغالى الاخ العزيز محمد على (المغامر)
وبشكر العالم الجليل فى صيانة التلفزيون والمخلص
المشرف السيد المحترم (مصطفى بحرى)
كما أشكر كل من يدخل مواضيعى المتواضعه من إداريين ومشرفين وأعضاء وزوار
لكم تحياتى