تقريبا عندى نفس المشكله ..
سخان يونيفرسال 10 لتر فيه مشكله حتى فنيين الشركه مش عارفين يحلوها ،
لما بفتح حنفية المياه السخنه ، يبدأ عمل الإشعال ويصدر صوت الإشعال الى هوه (تك . تك . تك) ثم يتوقف عمل الإشعال ( تتوقف التكتكه ) ، ولا يحدث اى شىء .
ويفضل السخان على هذا الوضع أحاول كذا مره لغاية ما يحصل إشتعال ويشتغل ..
Read more:
http://www.qariya.com/vb/showthread....#ixzz2JZGrmqBe
---------------------------------------------------------------------------
السلام عليكم ورحمة الله وبركاته
احب ان اضيف بعض المعلومات الخاصة بالعطل المذكور اعلاه
انا عندي سخان يونيفرسال 6 لتر غاز وشغال على الغاز الطبيعي وحصل عندى نفس العطل وكلمت الفنى الخاص بالشركة وبصراحة كان عندو ضمير وصلح العطل وكمان فهمنى سبب العطل وقاللى الموضوع بسيط ممكن تعمله بنفسك
العطل بقى ان جنب ابرة الاشعال الذاتى فيه ابرة تانية بس هي فى الحقيقة حساس او Sensor خاص بفصل الغاز ودائرة السخان الكهربية فيه حالة عدم الاشعال ولما يكون الحساس ده مرطب او عليه عازل نتيجة عوامل الجو والاحتراق مش بيحس بسخونة الغاز لما يشتعل من اول مرة عشان كده السخان بيفصل كنوع من الأمان بعد ما يكون عمل تكتكة لفترة طويلة وده معناه ان دايرة الامان اللى فى السخان مش حسه ان الغاز مشتعل بالرغم انه مشتعل ... وممكن يولع ويشتغل بعد ثانى او ثالث مرة بعد ما يكون الغاز سخن الحساس شوية عندها يحس السخان ان الغاز مولع كويس وما فيش مشكلة يستمر فى العمل بصورة طبيعية ...
الحل فى الموضوع ده انك تفك وش السخان وتفك الحساس اللى جنب ابرة الاشعال الذاتى وتصنفره بصنفرة ناعمة على خفيف لغاية الاكسدة اللى فيه ما تروح
وان شاء الله السخان ح يرجع يشتغل كويس
ولو عندك اى مشكلة ممكن تبعتلى على الايميل eng.hedya*yahoo.com
وانا مش حتأخر عليك لو عندي الحل
