السلام عليكم اخوتى الكرام
عطل حيرنى جدا رغم انه يبدو سهلا ويبدو اننى والحمد لله موعود هذه الايام بالاعطال الخبيثه المحيره
التليفزيون يعمل صوت وصوره ممتاز وبعد دقيقه أو 2 تظلم الشاشه أو تبهت الصوره خالص كما لوكان التباين مقفل تمام صفر بالفحص تبين ان الفولت كله 190 بيكون موجود على قواذف الالوان والفولت اللى جاى من الايسى الكبير للالوان ال 3 بيكون صفر أو نصف فولت وهو المفروض يكون 2 او 3 تقريبا ولكن طرف ال IK بيكون عليه 4 فولت
فحصت المكونات على خط ال ABL كله سليم وفصلت الزنر الخاص بطرف ال IK وكذلك الزنر الموجود فى خط ال ABL بدون فائده ولكن بالمناقشه مع حبيبى وزميلى واخى مهندس نبيل قطب تليفونيا اشار عليا بتغيير الايسى اللى على كرتة الشاشه وهو TDA6107Q وغيرته فعلا وتلاشى العيب تمام وفرحت وفضل شغال تمام كده أكثر من يوم وبعد كده رجع كما كان
السؤال هل كان العيب فعلا من هذا الايسى ثم تلف تانى الايسى بعد يوم شغل ولا ايه العيب من فين
ولو العيب فى هذا الايسى ايه اللى يخليه يتلف بسرعه
منتظر المتابعه اخوتى
تقبلى تحياتى

السلام عليكم ورحمة وبركاته

اخى الكريم

قم بنزع سكوت الشاشه وركبه مكانه والجهاز يعمل

عدة مرات وانشاء الله ستعود الشاشه الى حالتها

المفروض ان تكون عليها

جرب ذلك اولا لعدة مرات واقول والجهاز يعمل

وكن حريص جدا بان تمسك السكوت بشىء

لايجعلك تتكهرب

جرب هذه الطريقة وابلغنا ونتابع

السلام عليكم

ارجو ان يكون الجميع بالف خير

اخي ابراهيم بعد تنفيذ ماطلبه حبيب الكل ابو اسلام ولم ينفع

وكان الفولت اللى جاى من الايسى الكبير للالوان ال 3 فولت وهو المفروض يكون 2 او 3

كان صفر

انزع كارتة الشاشة وقيس هذا الفولت على الكارتة وهو منزوع

ان كان صفر

ابدل البروسيسور وجرب

انا فعلت كما طلب منى حبيب الكل مهندس حمو حشيش ولكن لم يتغير شئ
لكنى لاحظت
أولا بعد تغيير الايسى 6107 واشتغل يوم كويس ورجع العيب تانى لاحظت ان الصوره لا تختفى تماما مثل الاول بل تبقى ضعيفه جدا كانك قافل التباين والاضاءه يعنى يا دوب تشوف صوره بس باهته ومظلمه
ثانيا لاحظت ان الفولت اللى رايح اللى قواذف الالوان على سيكوت الشاشه بيكون هو نفس الفولت اللى خارج من اللاين سواء فى حالة الصوره الجيده أو الضعيفه جدا بمعنى اللى داخل على بداية المقاومه ال 15 كيلو هو نفسه اللى خارج منها
ثالثا اطراف الالوان الآتيه من الايسى الكبير اثناء الصوره الجيده بيكونو 2 فولت او أكثر قليلا ولما تضعف الصوره بيكون 1 فولت ونصف او اقل قليلا
ملحوظه قد تكون هامه فى بداية الاصلاح لاحظت صوت فولت عالى خارج من تحت الكاوتشه اللى على الشاشه وبالفحص تبين انها بها شرخ وكمان مشبك السلك الواصل من اللاين متآكل من الصدأ وفيه فتافيت صدا فى مدخل زجاج الشاشه قمت بتنظيفه ونفخه وقطعت المشبك والكاوتشه وابدلتهم بجزء سليم تماما
هذا للعلم اخوتى حتى يكون كل شئ واضح لكم
تقبلو تحياتى

وأشكر اخى العزيز مهندس زكريا ولكن يا اخى ليس عندى الان ايسى مثل اللى فى الجهاز حتى اجربه
كما اننى جربت نزع سيكوت الشاشه والقياس ولا يوجد اختلاف
تقبل تحياتى

طيب ياغالى اكتب رقم الشاسيه

وستجده بجوار الاين

ونتابع

نسيت اخبركم بشئ اخوتى
لما بيكون الجهاز لم اشغله منذ ساعات بيعمل جيدا لمده كبيره شويه عدة دقائق ولكن لو فصلته وقمت بتشغيله بعد دقائق او نصف ساعه مثلا بيعمل جيدا لمدة ثوانى وتبدأ الصوره تقل جودتها شوشه شويه بس سريعا حتى تضعف خالص خلال ثوانى قليله
أنا شاكك فى واحد من 3 البروسيسور اولا ثم الشاشه ثم اللاين
هل شكى صحيح وكلهم مكلفين فما هو الحل
تحياتى لكم

اخى الحبيب حمو
يوجد رقم بجوار اللاين أتمنى يكون هو MC-84A
تحياتى يا غالى