كل عام وانتم بخير وتقبل الله منا ومنكم الصيام والقيام آمين
عندي عطل في تليفزيون رينبو عملت فيه كل حاجه ومش عارف أوصل لحل .. المشكلة بأختصار التليفزيون جالي ترنزستور الخرج الأفقى ضارب وطبعا صوت صفارة متقطعه معاه غيرته التليفزيون dead فقط ليد البارور بينور والسنسور بيشعر بالريموت وخرج الشوبر كله مضبوط أما اللاين طبعا مفيش خروج منه لأنه لم يعمل أصلا ومع ذلك جربت بلاين آخر نفس النتيجه.. قمت بقياس رجل 25 عليها المفروض 8.5فولت وجدتهم 5 فولت شفطت الرجل طبعا الجهد اللى جاي تقسه يتغير ويبقى 8.5 فولت أما الرجل المشفوطه نفسها الحرة في الهوا عليها 5 فولت شكيت في الآي سي ده la76810a قلت اجرب بآخر جديد نفس المشكله .. والله يا أخواننا بجد تعبت جدا فيه ومش عارف قست جميع الترانزستورات وغير بعض المكثفات "عن عدم افتناع " ... أوعدكم أن ادعوا لكل من يساهم ويجد لى مخرج من هذا العطل المحير وجزاكم الله خيرا الجزاء في الدنيا والآخره

اخي اسامه 0000 برجاء مراجه ما قاله لك الباسم حسن يوسف والمتابعه معنا

لنستفيد نحن من هذا العطل ويوفق الله الي الاصلاح

كلام مهندسنا تمام التمام إن شاء الله لن يخرج عن ترانسيستور الديريفر

السلام عليكم .. أشكر اخوتي في الله على الأهتمام الباشمهندس الباسم وكمان اخويا م محمد صلاح واخويا م. حمدي صلاح .. أنا عملت اللي حضرتك قولته وقست جهد الترانزستور t401 الكولكتور حوالي 3 فولت والقاعدة عليها كسور من الواحد فولت من رجل 27 من الأيسي la76810 و زي ما قولت ال 110 فولت موجودة على كولكتور ترانزستور الخرج الافقي ...هل هذا الترانزستور ممكن ان يكون وحش؟ أسأل الله أن يسهل أموركم في الدنيا والآخرة

جزاكم الله عني خير الجزاء ... زي ما قولتوا بالظبط العيب لن يخرج عن هذه المنطقة .. تصوروا العيب طلع أن ترانزستور الأخراج الأفقي الجديد واللي كنت قايسه سليم ضرب امتى معرفش .. طبعا اللي خلاني استبعده مفيش هاي تنشن طلع عشان يضرب كمان أنا قيسته كتأكيد في الدايرة ولأن رجليه E , B متصلين بالمحول التوافقي L401 فيعطي معايا شورت فعادي قولت ده قياس الكويل ده والمفاجأة لما خلعته حالا بره لقيتهم برده شورت تصوروا القياس تمام و الطرفين دول تحديدا على حظي شورت بره وجوه في الدايرة ... أرجوا أن تحترسوا من هذه الخدعه ... وجزاكم الله خيرا وسأدعوا لكم في ليلة القدر بأذن الله أن ييسر أموركم كما يسرتم أمري .. متشكر جدا على الأهتمام وزادكم الله من علمه .. والسلام عليكم

الحمدلله الذي هداك ويسر امرك في اصلاح العطل وشكرا على التنويه باصلاحه 0

طلب آخر صغير قبل أن أنهي هذه المشاركة أريد معرفة السيرفس كود لهذا الجهاز " Goldi Rainbow 14" ولكم جزيل الشكر وفائق الأحترام