الأخوة الأفاضل /

عندى مشكلة فى سخان يونيفرسال 6 لتر غاز
المشكلة ببساطة لما باغير أنبوبة الغاز فالسخان ما بيشتغلش
لما بافتح المياه باسمع صوت الشراره لكن لا يبدأ الاشعال
المهم انى كل مره اقعد احاول فيه و افك الانبوبه و اركبها تانى بعدين الاقيه اشتغل بس بعد ما يطلع عينى
و كل مره بيحصل كده يغلبنى شويه و بعدين يشتغل.

تأ كد من عدم وجود انثناء بخرطوم الغاز او عدم وجود سدد به وذلك بفكه من الانبوبة والسخان والنفخ فيه من احدى الجهتين وتبين مرور الهواء بسهولة .

اتأكدت اخى العزيز و لقيته تمام

ربما يكون العيب عندك بالمنظم المركب على الانبوبة؟ واحيانا يحدث العطل بسبب عيب بالانبوبة نفسها جرب بواسطة انبوبة البوتاجاز واخبرنا بالنتيجة

اخى العزيز جربت تغيير الانبوبة و نفس المشكلة قائمة

هل غيرت الانبوبة والمنظم ام الانبوبة فقط؟

غيرت الاتنين
و انا حاسس ان المشكلة ممكن تكون فى السولونيد لانى مش باسمع صوته لما بافتح المياه
فهل ممكن يكون تخمينى صحيح

بقى لك حل آخر بسيط وهو تغيير البطاريات واذا لم يفيد فالعطل بكاوتشة الرداخ يلزم تغييرها ولقد بدانا بالحلول البسيطة اولا للتاكد من العيب. بالتوفيق