انا رحت عشان اشترى اله 2045 ..المهم نزلت المنصورة والاستاذ عاطف حسين مشكورا حاول يجيبهالى لكنه للاسف المكن اللى عند المستورد كان كله مباع ..رجعت تانى فصاحبى كان بيشترى 105 فرحت معاه للتاجر اللى هيشترى منه .. فبقوله عندك 2045 قالى اشوفهالك وقعد يتصل بناس وكدة المهم مشكور جدا لقهالى عند واحد فى بنها .. قالى انا اللى هحاسبه والمكنة ب 3250 من غير الفنشر قلت كله تمام .. وكان كله تمام ورحت جربت الاله وكله ميت فل وعجبتنى اوى ." ماعدا الفيدر مكنشى عاجبنى كان لونه مصفر مع ان الالة لونها ابيض نظيفة"


لما جيت اشتغل على الالة لقيتها بطيئة ودة لان انا اشتغلت على ال 450 الطيارة .. فكنت مستغرب جدا ومش عارف فى ايه وحاسس ان فى فرق سرعة بينهم ..المهم قلت اعد الورق اللى بيطلع منها اديت امر وشغلت الاستوب ووتش .. لقيت الالة عملت ال 45 صورة فى دقيقة وربع تقريبا جربت تانى وتالت الى ان اكتشفت المصيبة وهى ان الالة اللى انا اخدتها هى 2035 ولكن الباب بتاعها متغير بباب مكتوب عليه 2045 والصراحة انا حاسس بقلم جامد على قفايا ...ودة هيخلينى لو فكرت اشترى 2090 على الرغم ان شكلها معروف الا انى هجيب كرتونة وانزل تحتها زى ميكانيكية السيارات.


التاجر مشهور جدا فى بنها خلو باكلم كويس .. وهتلاقيه مشهور باسم الحاج ...... يعنى مش الباشمهندس ولا الاستاذ ولا اى حاجة .

كل واحد ييجى يشترى مكنة ميركزش همه كله على الصورة والدرام والعداد ..

شغل المكنة ومعاها استوب ووتش وعد الورق ..ودى نصيحة من اخ محروق دمه ..

سلالالالام

الاستاذ اشرف انا قلت انها صورت ال 45 ورقة فى دقيقة وربع

ولما صورت 35 ورقة صورتهم فى دقيقة يالظبط .. وبعدين انا من ذهولى من الموقف قعدت اعل الموضوع اكثر من مرة .. عملت الموقف حوالى 5 مرات .. وفى الاخر طلعت بالفعل 35 صورة .. وبعددين دى مش اول مرة اكون بشتغل على مكنة 45 صورة لان اشتغلت على ال 450 من سنتين وبعدها اشتغلت على شارب 507 وبعدها اشتغلت على 105 واشتغلت على ال 700 بس بجد انا اى مكنة هشتريها بعد كدة هعد الورق ههههههههههه..هشوف ورقها زى اللى بيشترى عربية..

سؤال للفنينين .. هل الاختلاف الوحيد الذي يمكن التعرف عليه بين 2045 و 2035 هو السرعة فقط .. بمعنى هل هناك اجراء اخر سريع يمكن ان يفرق المشتري بينهما ؟

اولا نأسف لوضعكم فى هذا المشكل
ولكن يمكنك معرفة موديل الالة بسهولة وانت عند التاجر
وللمعرفة حتى لا يقع احد غيرك فى هذا
اضغط على زر (123) ثم اضغط على ايكون البرنت واختار كونفجراجن واطبع اللست
بالطبع سيظهر على الورقة اسم وموديل الالة

استاذ عاطف لا تتأسف بس كان لازم يحصل عشان من الاخر اكون حذر فى كل مرة .. ولو تفتكر لما كنت عندك فى المنصورة وقولتولى ان التاجر .... بتاع بنها تعرفوه و بيتعامل معاكم ...هو التاجر دة اللى عمل الموضوع بس عادى يعنى كل اللى خسرته 50 جنيه اول عن اخر نظير نقل الماكينة وانتهى الحوار على كدة..

واسئلتى بقى ..
الحبر الاصلى حضرتك قلتلى بيعمل حوالى معدل 20الف ورقة ؟؟ وبحوالى 150 جنيه؟؟

كل ما اسأل عنه فى بنها هنا مش لاقى غير الاكياس ؟ مستر ايماج وانواع تانيى كتير ؟ والسعر من 38 و 45 و50 فيا ترى هل فى اسم حبر معين ممكن استخدمه بدل الاصلى و ميأثرش سلبى على الماكينة ونفس الوقت السعر كويس؟؟
وياترى الكيس ال نصف كيلو ممكن يعمل كام باكو ورق؟؟

استعمل مستر ايماج فهو احسن الـ؟
واضراره بسيطة