السلام عليكم ورحمة الله وبركاته
ازيكم جميعاً يارب تكونوا بخير

انا عايز اعرف ازاي ممكن استخدم ال Bluetooth module
اللي هو بيتباع جاهز بحيث ابعت بيه مثلاً داتا بين البيك واللابتوب
استقبال + ارسال
يعني اللابتوب يقدر يبعت للبيك او يستلم منه داتا
اتمني شرح تفصيلي وهل هحتاج نوعية خاصة من الاكود انا بستخدم برنامج
mikroC PRO for PIC
وهستخدم PIC16f877a
نفسي تفيدوني في اسرع وقت بالله عليكم
علي فكرة انا معنديش اي خلفية عنه حتي معرفش شكله عامل ازاي
ولا هشترية بسعر قد ايه ولا اي حاجة

وشكراً مقدماً

اخى العزيز اتمنى ان تكون بصحة وعافية انا مثلك ابحث فى هذا المنتدى العظيم عن تقنية استخدام البلوتوث للتواصل مع البك و التى يمكن من خلال ربطهما معا التواصل مع الاجهزة الاخرى التى بها بلوتوث مثل الموبايل وغيرهما و قد وجدت خلال بحثى على الانترنت عن قطع بلوتوث مختلفة الاسعار و الامكانيات فالسوفت وير يختلف من قطعة لاخرى مثل البلوتوث اصدار 2 أو 3 و كذلك كيفية التواصل بين موديول البلوتوث و العقل المفكر وهو البك اما يكون عن طريق خاصية uart او عن طريق اوامر الموبايل at commands و ستجد بالمنتدى ما يكفى لفهم كلا الخاصيتين و لكن اشعر من داخلى ان الامر ليس بتلك البساطة حيث ان بروتوكول البلوتوث اعتقد انة معقد كثيرا و ستجد الكثير من الكتب على الانترنت لشرح ذلك و ارجو من الله ان يعيننا على فهمة و ان يعيننا على تيسيرة للاخرين .
هذا رابط لموديول بلوتوث يتواصل مع العقل المدبر عن طريق خاصية uart فى هذا الرابط
هذا رابط اخر لبلوتوث يتواصل مع عقلة المدبر عن طريق اوامر الموبايلat commands فى هذا الرابط

السلام عليكم
قد يفيدك هذه الروابط
هنا

وهنا


وهنا

بسم الله الرحمن الرحيم

السلام عليكم يا اخوتى

التعامل مع البلوتوث يكون على حسب نوع الموديول
لان هناك موديولات تعمل بال USB وهناك من تعمل ب UART
وهناك SPI وهكذا

وهذا يتوقف على نوع الموديول الى انت بتختارة

اما عن التعامل فهو مثل اى RF Module

يعنى انت بتقلة ابعت البايت دة وخلاص على حسب البروتوكول الى هو بيشتغل بية او بيدعموة

يعنى انت ملكش دعوة بالبروتوكول الخاص بالبلوتوث

امال انت شارى الموديول جاهز لية ؟؟؟ ههههههههههه

يعنى بختصار اتعامل معاه على انة RF Module عادى

ملحوظة ::

عند ربطة مع موبايل او كمبيوتر
هنا لازم تتعامل على حسب البروتوكول الى بيعمل بية الجهاز الى بتتخاطب معاه

ااقصد هنا بروتوكول التعامل مع البيانات نفسها الخاصة بالكمبيوتر او الموبايل وليس برتوكول البلوتوث

بالتوفيق ان شاء الله

السلام عليكم
شكراً جزيلاً ان شاء الله هدور فيهم بس انا عايز حد يقوللي جرب النوع ده
مثلاً اللي بيشتغل ب UART 4
يعني اسهل نوع فيهم واتمني يكون حد جرب عمل تجربة فعلاً واشتغلت معاه
علشان يتابع معايا بدل ما اروح اشتري الموديول ومعرفش اشغله

انا اتعاملت مع ال UART مثلاً وكانت سهلة في الاستخدام
تجربة ربط البيك بالكمبيوتر
يبقي معني كده اني هقدر اتعامل مع البلوتوث اللي شغال علي ال UART
؟؟؟؟
بالنسبة ليا انا معنديش اي تجربة سابقة مع البلوتوث وحضرتك بتقول فيه انواع كتير يبقي انصحني بقي بنوع معين --- اسهل نوع ف الاستخدام بالنسبة لواحد مبيتدئ زيي
علشان اعرف انجز التجربة عليه ومبقاش شتت نفسي واشتريت الموديول علي الفاضي
سؤال تاني ... هو معقول مفيش حد علي المنتدي هنا عمل تجربة الكمبيوتر بالبيك عن طريق البلوتوث خالص؟؟؟ لو فيه قولولي علي الموضوع وانا اقراه يمكن يساعدني
كل هدفي اني ابعت واستقبل داتا بين الكبيوتر والبيك عن طريق البلوتوث
ارجوكم حطوني علي خطوات لانجاز هذه المهمه
ربنا يكرمكم