سؤال عن اماكن التدريب

[khaled.inside]

السلام عليكم ورحمة الله وبركاتة

انا خريج دبلوم فنى صناعى "الكترونيات وكمبيوتر" الكلام دة من سنة 2003 - اشتغلت فترة فى حدود سنة ونص بعد الثانوى فى مجال الالكترونيات وبعدها اشتغلت فى مجال بعيد تماماً عن الالكترونيات وبعد فترة صغيرة دخلت الجيش سنتين ولما خرجت والحالة بقت تعبانة - اشتغلت فى اقرب اعلان وظايف كان فى جريدة الاهرام - وبعد فترة اشتغلت فى مجال الكمبيوتر فى الصيانة - اشتغلت حوالى 3سنين - كان كل اللى بنعملة صيانة ظاهرية - يعنى مكثفات باين انها بايظة نغيرها - اى سى مضروب نغيرة - لكن للاسف المكان اللى كنت فية محدش كان بيعرف سبب العطل اصلا - بعد الثورة والجو دة مبقاش فى شغل اشتغلت فى اعمال اغلبها ادارية وتسويق - لحد ما الحال اتحسن شوية فتحت محل صغير - لمستلزمات الكمبيوتر والصيانة فى منطقة شعبية -

وانا حالياً اعتبر نفسى ضعيف فى مجال الصيانة ومش عايز اشتغل على العيوب الظاهرية - عايز اعرف احدد الاعطال - وحاولت انمى نفسى شوية على النت اكتشتفت ان فية رموز فى المخططات مش عارفها اصلا - الله اعلم دة تطور و لا انا اللى نايم فى العسل ونسيت كل حاجة

المطلوب من الكلام اللى فات دة كلة -- انا عايز مكان للتدريب على الالكترونيات "دورة تدريبية"
واماكن لدراسة صيانة اللاب توب والماذر بورد -

بالنسبة لدورة تدريبي على الالكترونيات - كنت عارف مكان اسمة "معهد الراديو والتلفزيون" وكان الاسم دة مشهور بين طلبة الصنايع زمان - بس اتصلت بالدليل علشان اجيب رقمهم - بيقولو مفيش مكان بالاسم دة - هل المكان دة اتقفل ولا لسة موجود ؟؟؟

وانشاء الله الاقى الافادة فى المنتدى هنا

وشكراً

[fade hbeb]

اخي الكريم
تابع هذه الدورة للمهندس الرائع
وليد عيسى
مع متابعتك لمواضيع القرية الحبيبة
مع التطبيق العملي
و ان شاء الله ستصبح محترف
بالتوفيق ان شاء الله

[mourad3d]

شوف مهندسنا الغالى انا طبعا فاهم قصدك وطبعا دورة المهندس وليد دورة ممتازه لكن فى نهايه الدورة هيبقى عندك فكره عن وظائف العناصر وعمل الدوائر البسيطه وليس لديك القدرة والخبره على اصلاح الدوائر وعمل الصيانه

لذلك انصحك بدايه بدراسه تحليل الدوائر الالكترونيه

ومواضيع مهندس ايهاب فى الباور سبلاى

http://www.qariya.info/vb/showthread.php?t=165107

وهذه الدورة فى الصيانه اكتشافتها ممتازه جدااا

https://www.youtube.com/user/computekacourses/videos


ولشراء الدورة كامله من هنا

http://www.computekacourses.com/

هل لديك أوسليسكوب بقناتين ( تعال واصنع Component Tester ) !

http://www.qariya.info/vb/showthread.php?t=165231


الكروت الالكترونيه لاختبار العناصر الالكترونيه لتشخيص الاعطال
http://www.qariya.info/vb/showthread.php?t=165473


كيفبة استعمال الاوسيلوسكوب في كشف الاعطال ..

http://www.qariya.info/vb/showthread.php?t=105881



غير كده مش تتعب نفسك بقى ولا تكلف نفسك

[khaled.inside]

شكراً للروابط - فى بعضها انا وصلتلهاوبدأت اتفرج عليها

لكن الطريقة دى بتفتقد التواصل المباشر مع اللى بيشرح - انا برضو عايز اعرف اماكن اقدر اتكلم فيها او اسأل اللى بيشرح على حاجة -

هل معهد الراديو والتلفزيون قفل ولا مازال موجود بس تحت مسمى تانى؟

وشكراً مرة تانية على الروابط وان شاء الله استفيد منها

[egysoft]

الله المستعان

[khaled.inside]

وكان عندى سؤال اخر - كم تمن جهاز الاوسلوسكوب (ارخص حاجة) تنفع لمبتدأ ؟

وهل اذا استخدمت كارت الصوت اللى فى جهاز الكمبيوتر - بيطلع الرسم بنفس الدقة لجهاز الاوسلوسكوب